Unaambiwa baada ya Miguel Gamondi kupewa mkataba wa kuinoa Yanga haraka akawaagiza mabosi wa mabingwa hao wa nchi kuhakikisha wanamnasa Kocha Moussa Ndao raia wa Senegal
Awali Yanga ilikuwa kwenye mazungumzo na kumrejesha aliyekuwa Kocha Msaizidi Cedric Kaze kabla ya mapendekezo ya Gamondi kuzima mpango huo
Gamondi amewahi kufanya kazi na Ndao katika klabu ya Wydad Athletic hivyo anamfahamu vizuri
Ndao amecheza Wydad na kuifundisha timu hiyo katika vipindi tofauti tofauti. Ni nadra sasa kocha mweusi kuaminiwa katika hizi nchi za kiarabu, ni lazima awe na kitu cha kipekee
Akiwa mchezaji Ndao amecheza Morocco, Algeria, Misri na UAE katika klabu ya Al Hilal
Katika majukumu yake ya ukocha, Ndao amedumu katika benchi la ufundi la Wydad kwa vipindi vitatu tofauti na kushinda mataji yote ya ndani, Ligi ya mabingwa na CAF Super Cup
Huyu ni kocha mwenye uzoefu mkubwa na soka la Kaskazini, uzoefu huo anauleta Yanga kwa kushirikiana na Gamondi ambaye pia ni mzoefu wa soka la Kaskazini
Yanga ina mkakati wa kufanya vizuri katika michuano ya ligi ya mabingwa barani Afrika msimu huu, hawa ni makocha walioletwa kuifanya kazi hiyo
