Yanga tayari kwa Ngao ya Jamii

Kikosi cha Yanga leo kinaelekea mkoani Tanga kushiriki michuano maalum ya Ngao ya Jamii

Yanga ambao ni mabingwa watetezi kwa misimu miwili mfululizo, baada ya mabadiliko yaliyofanywa na TFF, kwa mara ya kwanza michuano hiyo inashirikisha timu nne

Keshokutwa Jumatano, August 09, Yanga itashuka uwanja wa Mkwakwani kupepetana na Azam Fc katika mchezo utakaopigwa saa 1 usiku

Mara mwisho Yanga na Azam Fc kuchuana Mkwakwani ni msimu uliopita katika mchezo wa fainali ya kombe la Shirikisho la Azam (ASFC) Yanga ikiibuka mabingwa kwa ushindi wa bao 1-0

Michuano hiyo itakamilika August 13 kwa michezo ya fainali na mshindi wa tatu

Baada ya kambi ya maandalizi ya wiki tatu Avic Town, Yanga iko tayari kutetea Ngao hiyo kwa mara ya tatu