Ligi ndio imeanza sasa! Ushindi mnono pamoja na burudani ndio kitu pekee ambacho Wananchi watarajie kutoka kwa timu yao
Ndio! KMC leo wanakuwa mfano kwa wengine watakaofuata baada ya kubamizwa mabao 5-0 katika mchezo uliopigwa uwanja wa Azam Complex
KMC walijitahidi kuzuia kwenye kipindi cha kwanza, Yanga ikifanikiwa kufunga bao moja kupitia kwa nahodha wa mchezo Dickson Job
Hata hivyo kipindi cha pili wakakutana na Yanga yenye ukatili wa aina yake mbele ya lango na kukubali kubugizwa mabao mengine manne
Stephane Aziz Ki alifunga bao la pili kabla ya Hafiz Konkoni kukaribishwa rasmi kwenye ligi kuu ya NBC akifunga bao la tatu Mudathir akaongeza la nne kabla ya Pacome Zouzoua aliyepewa kitengo cha burudani leo akiweka kambani bao la tano
Ni wazi haitakuwa rahisi kuizuia Yanga hii isitetee taji lake msimu huu
Wananchi wameanza na gia ya juu sana...!
