Wananchi wana raha msimu huu, wacha watambe! Kwa sababu wana timu bora yenye wachezaji wa daraja la juu
Kuna mashabiki wa timu moja walikuwa wakitamba sana wakati wa usajili, lakini sasa hivi wako kimyaaaa
Licha ya kushinda mechi zao bado wanashinikiza Kocha wao afukuzwe!
Haya yote yanatokea baada ya kuwashuhudia Wananchi wakicheza soka la kutisha na kugawa vipigo katika mechi zao
Hivi mara ya mwisho umesikia lini timu imeshinda mechi tatu mfululizo kwa ushindi wa mabao matano?
Imefika wakati mashabiki wa Yanga wanalalamika kuwa muda wa dakika 90 hautoshi!
Kocha Mkuu wa Yanga Miguel Gamondi na benchi lake la ufundi wamefanya kazi kubwa katika kiwanja cha mazoezi na sasa matunda yake yanaonekana
Yanga hii inacheza dakika 90 kwa kasi ileile, utimamu wa wachezaji ni wa kiwango cha juu sana
Huu unaweza kuwa msimu wa kihistoria kwa Yanga kama wataendeleza kasi hii. Kuna uwezekano Wananchi wakamaliza msimu na zaidi ya mabao 100 kama mechi mbili tu tayari wana mabao 10
Zile tuzo za kila mwezi Kocha bora na mchezaji bora huenda zote zikaishia Jangwani
