Baada ya ushindi wa mabao 5-0 dhidi ya JKT Tanzania katika mchezo wa ligi kuu ya NBC uliopigwa uwanja wa Azam Complex juzi, kikosi cha Yanga leo kinarejea mazoezini kuanza mawindo ya mchezo wa kuwania tiketi ya kutinga hatua ya makundi ligi ya mabingwa barani Afrika dhidi ya El Merrikh ya Sudan
Yanga itakuwa ugenini kwenye mchezo huo wa mkondo wa kwanza ambao huenda ukapigwa nchini Morocco baada ya El Merrikh kuwasilisha maombi CAF ya mabadiliko ya uwanja wao wa nyumbani ambapo mchezo wao wa hatua ya awali walichezea nchini Rwanda
Kocha Mkuu wa Yanga Miguel Gamondi atawakosa wachezaji wake 11 ambao wamekwenda kwenye majukumu ya timu za Taifa
Katika program zake za mazoezi, Gamondi anatarajiwa kuwajumuisha baadhi ya wachezaji kutoka timu ya vijana U20
