Kocha Mkuu wa Yanga Miguel Gamondi amesema winga raia wa Afrika Kusini Skudu Makudubela yuko fit na huenda akawa miongoni mwa wachezaji atakaowatumia kwenye mchezo wa ligi ya mabingwa dhidi ya Al Merrikh utakaopigwa Jumamosi, Septemba 16
Skudu alirejea mazoezini wiki iliyopita baada ya kuwa nje kwa wiki mbili akiuguza majeraha ya goti
Gamondi amesema Skudu atakuwa silaha muhimu katika mchezo dhidi ya Al Merrikh kwani ni mchezaji ambaye wapinzani wake hawamfahamu vizuri
"Nafurahi Skudu yuko vizuri sasa, ameshiriki mazoezi yote na wachezaji wenzake. Nafikiri atakuwa mchezaji muhimu katika mchezo dhidi ya Al Merikh"
"Ni miongoni mwa wachezaji ninaopanga kuwatumia Rwanda, ni mchezaji ambaye wapinzani wetu hawamfahamu vizuri kwani hawajamuona akitumika katika timu yetu," alisema Gamondi
Yanga inatarajiwa kucheza mechi ya kirafiki mwishoni mwa wiki hii kabla ya kuifuata Al Merrikh nchini Rwanda wiki ijayo
