Kiungo mshambuliaji wa Yanga Stephane Aziz Ki jana alikuwa nyota wa mchezo akiifungia Burkina Faso bao muhimu na kutoa pasi ya bao jingine katika ushindi wa mabao 2-1 aambao Burkina Faso walipata dhidi ya Mauritania
Huo ulikuwa mchezo wa pili wa kirafiki kwa Burkina Faso ambayo ililazimishwa suluhu ya bila kufungana dhidi ya Guinea ya Equator katika mchezo wa kwanza uliopigwa Oktoba 13
Aziz Ki sasa anarejea katika klabu yake ya Yanga tayari kwa mchezo wa ligi kuu dhidi ya Azam Fc ambao utapigwa Jumapili Oktoba 22 katika uwanja wa Benjamin Mkapa
Baada ya kuanza kwenye kikosi cha Mali kwa mechi nne mfululizo, mlinda lango Djigui Diarra jana hakuwa sehemu ya kikosi kilichopata ushindi wa mabao 3-0 dhidi ya Saudi Arabia wakati kiungo Khalid Aucho jana aliiongoza Uganda katika mchezo dhidi ya Zambia wakipoteza kwa mabao 3-0
Nyota hao wanatarajiwa kurejea nchini leo kuungana na wenzao ambao wanaendelea na maandalizi Avic Town kuelekea mchezo dhidi ya Azam Fc
