Wananchi wanaendelea kufurahia kiwango bora kinachoonyeshwa na wachezaji wao msimu huu katika michuano mbalimbali
Jana Yanga iliibuka na ushindi wa mabao 3-2 dhidi ya Azam Fc katika ligi kuu ya NBC na kurudi kileleni mwa msimamo wa ligi
Ni mchezo ambao wachezaji wa Yanga walimwagika jasho jingi kuweza kupata ushindi huo
Miongoni mwa wachezaji waliokonga nyoyo za Wananchi ni Pacome Zouzoua, MVP wa ligi kuu ya Ivory Coast msimu uliopita
Pacome ni kiungo mshambuliaji mwenye maarifa makubwa ya kucheza mpira, jana aliwapa wakati mgumu walinzi wa pembeni wa Azam Fc kabla ya kuingia kwenye eneo la kiungo baada ya Mudathir kutoka
Akiwa na mpira ni ngumu kubaini nini anataka kufanya lakini pia jana alionyesha yuko fit na anaweza kung'ara katika mechi ngumu
Msimu huu Pacome ameifungia Yanga mabao matatu kwenye ligi na kutoa pasi mbili za mabao
Lakini pia ana bao moja kwenye ligi ya mabingwa barani Afrika
Sasa amejihakikishia nafasi ya kuanza kwenye kikosi cha Miguel Gamondi, Wananchi watarajie mambo makubwa zaidi kutoka kwake
