Dakika 21 alizotumika kwenye mchezo wa ligi kuu dhidi ya Simba zilikuwa chungu kwa watani akihusika katika mabao mawili kati ya matano yaliyofungwa na Yanga katika ushindi wa mabao 5-1
Mzize msimu huu bado hajafunga bao kwenye ligi lakini ushiriano wake na wenzake pale mbele umekuwa na faida kubwa kwa Yanga
Katika mchezo dhidi ya Simba alitoa 'assist 2' na sasa amefikisha assist tatu katika ligi kuu ya NBC msimu huu. Yao Kouassi ndiye kinara wa assist kweny ligi akiwa nazo tano
Katika mchezo dhidi ya Simba Kocha Miguel Gamondi alianza na Kennedy Musonda kwenye safu yake ya ushambuliaji na Mzambia huyo alifunga bao la kwanza la Yanga likiwa bao lake la pili kwenye ligi msimu huu
Gamondi alimtoa Musonda kwenye kipindi cha pili na kumuingiza Mzize aliyewavuruga mabeki wa Simba ambao pengine walilala na viatu kutokana na kile alichowafanyia Mzize
