Kuelekea mchezo wa ligi kuu dhidi ya Coastal Union ambao utapigwa leo Jumatano katika uwanja wa Mkwakwani, Meneja wa Habari na Mawasiliano wa Yanga, Ally Kamwe amewataka mashabiki kusimama dakika ya 5 kwa ajili ya kuwapongeza wachezaji wao
Ni kutokana na ushindi wa mabao 5-1 walioupata dhidi ya Simba Jumapili, Novemba 5
"Mashabiki wa Yanga tutakaoingia Mkwakwani kesho (leo), tunaombwa ikifika dakika ya 5 kwenye mchezo wetu dhidi ya Coastal Union, tusimame wote na kuinua mkono mmoja juu tukionyesha ishara ya vidole vitano"
"Hii ni kwa ajili ya kuwapongeza wachezaji wetu kwa kazi nzuri waliyoifanya. Hata wale mtakaokuwa nyumbani au kwenye vibanda umiza hakikisheni pia mnasimama na mnitumie clip,” alisema Kamwe
Yanga inasaka alama tatu jioni hii uwanja wa Mkwakwani kwenye mchezo huo utakaopigwa saa 12:30 jioni
