Rais wa Yanga Injinia Hersi Said amewashukuru Wanachama na Mashabiki wa timu hiyo kwa kuendelea kuiunga mkono timu yao
Hersi amesema umoja na ushirikiano huu ni ishara nzuri ya mambo makubwa zaidi kutokea katika klabu hiyo
Juzi Hersi aliweka rekodi ya kuiongoza Yanga kupata ushindi wa mabao 5-1 dhidi ya Simba baada ya kupita miaka 55
"Nawashukuru Wanayanga kwa kuendelea kuwa na utulivu nawahakikishia kama tutaendelea kuwa hivi kuna mambo makubwa zaidi yatatokea katika klabu yetu"
"Timu itafanya vizuri sana zaidi ya hapa, hizi tano zinaweza kuwa zaidi kama tutaendelea kupata sapoti kutoka kwa Wanachama na Mashabiki wetu," alisema Hersi
Aidha Hersi amedokeza kuwa dirisha dogo litakapofunguliwa watafanya maboresho kwa kuzingatia mapendekezo ya benchi la ufundi
"Tunafanya kazi kwa ushirikiano na benchi la ufundi, tunaelekea kwenye hatua ya makundi ya michuano ya ligi ya mabingwa ni wazi lazima tuboreshe baadhi ya maeneo"
"Kwa hivyo tutaongeza nguvu kwenye dirisha dogo ili kuhakikisha tunaendelea kuwa katika ubora utakaotuweka kwenye nafasi nzurii ya kushinda mataji"
