Kocha Mkuu wa Yanga Miguel Gamondi hana hofu yoyote kuelekea mchezo wa kwanza wa kundi D ligi ya mabingwa barani Afrika dhidi ya CR Belouizdad
Licha ya kuwakosa wachezaji wake 11 ambao wako kwenye majukumu ya timu za Taifa, wachezaji hao wanaendelea na program za mazoezi katika mataifa yao yanayojiandaa na mechi za kuwania kufuzu kombe la Dunia 2026
Kikosi cha Tanzania kina wachezaji nane wa Yanga ambao wanajiandaa na michezo dhidi ya Niger (Nov 18) na Morocco (Nov 21)
Stars itasafiri kwenda Morocco Novemba 16 kuikabili Niger kisha kurejea nchini kumalizana na Morocco
Metacha Mnata, Aboutwalib Mshery, Nickson Kibabage, Dickson Job, Ibrahim Bacca, Bakari Mwamnyeto, Mudathir Yahya na Clement Mzize ni sehemu ya kikosi hicho
Mganda Khalid Aucho yeye yuko na kikosi cha Uganda kinatorajiwa kucheza mechi dhidi ya Guinea (Nov 17) na Somalia (Nov 21)
Stephane Aziz Ki akiwa na timu ya Taifa ya Burkina Faso watacheza na Guinea Bissau (Nov 17) na Ethiopia (Nov 21)
Mlinda lango Djigui Diarra yuko na Mali wakitarajiwa kucheza mechi dhidi ya Chad (Nov 17) na CAR (Nov 20)
Baadhi ya wachezaji wataungana moja kwa moja ya kikosi cha Yanga nchini Algeria kwa ajili ya kuwakabili CR Belouizdad Novemba 24
