Yanga kuifuata CR Belouizdad usiku

Ijumaa Novemba 24 2023, saa 4 usiku Yanga itakuwa ugenini huko Algeria kuikabili CR Belouizdad katika mchezo wa kwanza wa hatua ya makundi ligi ya mabingwa barani Afrika

Yanga inatarajiwa kuanza safari usiku wa leo Jumatatu kuelekea Algeria

Msafara wa kwanza utajumuisha wachezaji ambao hawakuwa na majukumu ya timu za Taifa na kufuatiwa na msafara wa pili ambao utajumuisha wachezaji walio katika timu ya Taifa ya Tanzania 'Taifa Stars'

Msafara huo utaondoka baada ya mchezo wa kuwania kufuzu kombe la Dunia kati ya Tanzania dhidi ya Morocco utakaopigwa kesho Jumanne saa nne usiku

Wachezaji wengine Djigui Diarra, Khalid Aucho na Stephane Aziz Ki wanatarajiwa kuungana na kikosi cha Yanga huko Algeria