Yanga leo itaingia kwa tahadhari kubwa kuikabili CR Belouizdad katika mchezo wa kwanza wa hatua ya makundi ligi ya mabingwa barani Afrika
Uwanja wa July 05 1962 ulikuwa kama eneo la vita msimu uliopita wakati Yanga ikiumana na USM Alger katika mchezo wa pili wa fainali ya CAF CC. Wachezaji walijitoa kwelikweli na kufanikiwa kuibuka na ushindi wa bao 1-0 licha ya mazingira magumu
Jambo ambalo Yanga haipaswi kufanya mapema katika mchezo huo ni kuruhusu bao kwani ikitokea hivyo ni wazi yale yaliyotokea msimu uliopita, fataki, mabomu na hata mipira sita kurushwa uwanjani yanaweza kujirudia
Ubora ambao Yanga walionyesha mara ya mwisho walipocheza na USM Alger, umewapa hofu wenyeji wao CR Belouizdad kuelekea mchezo utakaopigwa saa 4 usiku
Habari njema ni kuwa zaidi ya asilimia 80 ya wachezaji waliotumika kwenye fainali ya CAF CC wapo, leo watakuwa silaha muhimu ya kuimaliza CR Belouizdad
Makamu wa Rais wa Yanga Arafat Haji amesema wamechukua hatua zote muhimu kuhakikisha timu inapata utulivu na kujiandaa vyema na mchezo huo
Sasa ni limebaki jukumu la wachezaji kwenda kuipigania Yanga uwanjani
