Nahodha wa Yanga Bakari Nondo Mwamnyeto amesema wamefanya maandalizi ya kutosha na wamepania kushinda mchezo dhidi ya Al Ahly utakaopigwa Jumamosi katika uwanja wa Mkapa
Mchezo huo wa pili kundi D Ligi ya mabingwa barani Afrika, utapigwa saa 1 usiku
Akizungumza katika Mkutano na Wanahabari mapema leo, Mwamnyeto alisema wanatambua mchezo huo hautakuwa mwepesi lakini wamejipanga kuhakikisha wanapata alama tatu
"Nawaambia mashabiki wetu waje kwa wingi uwanja wa Benjamin Mkapa kwani tumejipanga kupata ushindi"
"Tumejiandaa vizuri, tumefanyia kazi makosa yaliyojitokeza katika mchezo uliopita, tuko tayari, kupata alama tatu nyumbani ni jambo la lazima," alisema Mwamnyeto
Yanga inahitaji kushinda mchezo dhidi ya Al Ahly ili kuweka hai matumaini ya kuisaka tiketi ya kucheza robo fainali ya michuano hiyo
