Mshambuliaji Crispine Ngushi jana alibeba tuzo ya nyota wa mchezo wa kombe la Mapinduzi kati ya Jamhuri dhidi ya Yanga uliopigwa uwanja wa Amaan Complex na Yanga kuibuka na ushindi wa mabao 5-0
Katika mchezo huo Ngushi alikuwa 'on-fire' akifunga mabao mawili na kutoa pasi moja ya bao
Kiwango bora alichoonyesha katika mchezo huo kilimfanya aondoke na tuzo hiyo
Pengine hizi ni salama anazituma kwa Gamondi kuwa anaitaka nafasi kwenye kikosi cha kwanza
Aidha kiungo Jonas Mkude na beki Gift Fred bila kumsahau Zawadi Mauya nao walikuwa bora katika mchezo huo. Upande wa kulia, Gamondi alimtumia Denis Nkane katika safu ya ulinzi na alitengeneza bao la kwanza la Ngushi
Skudu nae aliendelea kuonyesha thamani yake akifunga moja ya mabao katika mchezo huo
Wakati kukiwa na hofu ya baadhi ya wachezaji kupunguzwa katika dirisha hili dogo, kila mchezaji anapambana kuonyesha anastahili kuendelea kubaki kikosini
Tayari Augustine Okrah ameingia, ina maana amechukua nafasi ya nyota mmoja wa kigeni
