Yanga yafunguka majeraha ya Okrah

Daktari wa Yanga Moses Etutu amesema kiungo mshambuliaji Augustine Okrah afya yake inaendelea kuimarika baada ya kutibiwa

Okrah alipata majeraha katika mchezo dhidi ya KVZ ambapo Etutu amesema alivunjika mfupa wa pua

"Afya ya Okrah inaendelea vizuri akiendelea kuimarika. Baada ya kumfanyia vipimo tulibaini amepata majeraha katika mfupa wa pua hali iliyopelekea atoke damu nyingi puani"

"Lakini baada ya kutibiwa hali yake imeendelea kuimarika na pengine ataruhusiwa kutoka Hospitalini hapo kesho," alisema Etutu

Kulingana na aina ya majeraha aliyopata, Okrah anaweza kuwa nje hadi wiki tatu akitarajiwa kurejea katika majukumu yake mwishoni mwa mwezi huu