Yanga iko jijini Dar es salaam wakitokea Zanzibar ambako safari yao kwenye kombe la Mapinduzi iliishia hatua ya robo fainali
Katika michuano hiyo, Kocha Mkuu wa Yanga Miguel Gamondi aiamua kutumia kikosi cha vijana pamoja na wachezaji ambao hawakuwa wakipata nafasi katika kikosi cha kwanza
Ni uamuzi ambao haukuwafurahisha baadhi ya mashabiki hasa baada ya Yanga kuondoshwa katika michuano hiyo lakini kwa upande wa Gamondi ulikuwa uamuzi wenye malengo
Katika michuano hiyo baadhi ya wachezaji walipata nafasi ya kutosha kuonyesha uwezo wao na pengine huenda miongoni mwao wakaanza kuonekana katika timu ya kwanza
Miongoni mwa wachezaji hao ni kinda la U20, Khamis Nanguka ambaye alicheza katika safu ya ulinzi sambamba na Mganda Gift Fred
Nanguka alionyesha ukomavu katika michuano hiyo na pengine anaweza kupandishwa katika timu ya wakubwa ya Yanga
Kwa nyakati tofauti, Nanguka amejumuika kufanya mazoezi na timu ya wakubwa lakini hakuwa amepata nafasi ya kucheza mechi za ushindani
Gamondi amesema Nanguka ni miongoni mwa wachezaji waliomvutia katika michuano hiyo pengine Wananchi watarajie kumshuhudia zaidi katika kikosi chake
