Licha ya timu ya Taifa ya Tanzania kukubali kipigo cha mabao 3-0 kutoka kwa Morocco katika mchezo wa kwanza wa michuano ya Afcon 2023 inayoendelea huko Ivory Coast, nyota wa Stars walipambana lakini uwezo wa Morocco pamoja na kadi nyekundu aliyopewa Novatus Dismas, ilikuwa sababu ya kipigo hicho
Safu ya ulinzi ya Stars iliongozwa na walinzi wawili wa Yanga Bakari Mwamnyeto na Ibrahim Hamad
Kama ni tuzo ya mchezaji bora wa mchezo kwa upande wa Stars, basi alistahili Bacca
Bacca ndiye mchezaji aliyehusika katika matukio mengi zaidi katika safu ya ulinzi pia akiwa kinara wa kupiga pasi
Bacca alishika nafasi ya pili kwa wachezaji waliopiga pasi nyingi katika mchezo huo nyuma ya beki wa Morocco Nayef Aguerd aliyepiga pasi 75 huku Bacca akipiga pasi 63. Sofyan Amrabat na Mwamnyeto wakifuata kila mmoja akipiga pasi 60
Katika mchezo huo Bacca aliondoa mipira 8 ya hatari, alipokonya mipira 8, mipira 5 aliondoa hatarini kwa kichwa, 'tackling' alifanya 5 na alishinda mipira 7 ya kugombania
Kwa hakika sasa Bacca ameiva! Yeye, Mwamnyeto na Job ni muhimili wa safu ya ulinzi ya Yanga na timu ya Taifa
