Yanga Princess kibaruani dhidi ya JKT Queens leo

Ligi Kuu ya Wanawake inaendelea ambapo leo inaingia mzunguuko wa sita

Kinadada Wananchi Yanga Princess watakuwa uwanja wa Azam Complex kuwakabili wababe JKT Queens

Ni wazi Yanga Princess watahitaji kuwa katika ubora mkubwa kuondoka na alama tatu leo kutokana na mwenendo wao usioridhisha msimu huu

Yanga Princess tayari imepoteza mechi mbili kati ya tano walizocheza mpaka sasa wakati wapinzani wao JKT Queens ambao ni mabingwa watetezi, ndio vinara wa ligi wakishinda mechi zote nne walizocheza msimu huu tena pasipo kuruhusu nyavu zao kutikiswa