Beki Ibrahim Bacca jana katika mchezo dhidi ya DR Congo aliendeleza kiwango kizuri katika michuano ya Afcon 2023 inayoendelea huko Ivory Coast
Kuna wakati Fiston Mayele jana alivurugwa na kujaribu kuleta 'undava' mbele yake katika mchezo ambao Tanzania ilihitimisha ushiriki wake wa michuano ya Afcon 2023 kwa kulazimishwa suluhu ya bila kufungana dhidi ya DR Congo
Mayele alishindwa kabisa kufurukuta mbele ya Bacca aliyeshirikiana vyema na Mwamnyeto kuhakikisha haleti madhara katika lango la Stars
Kama zitapigwa kura kuchagua mchezaji bora wa Tanzania katika michuano ya Afcon basi naamini Bacca atapata kura nyingi zaidi kutokana na kile alichofanya katika michuano hiyo
Ni wazi ofa nyingi zitamiminika Yanga kuitaka huduma yake akiwa ndio kwanza hivi karibuni alisaini mkataba wa miaka mitatu kuendelea kuitumikia Yanga
Bacca ameipandisha thamani yake kupitia michuano hii ya Afcon 2023, ni suala la muda tu kwake kuonekana anga za Kimataifa
