Mabingwa wa soka Tanzania Bara Yanga wako mkoani Mbeya ambapo jioni ya leo wataadhimisha miaka 89 kwa mchezo wa ligi kuu dhidi ya Tanzania Prisons ambao utapigwa uwanja wa Sokoine
Kocha Mkuu wa Yanga Miguel Gamondi ameendelea kushuhudia kikosi chake kikiimarika baadhi ya wachezaji wakirejea kikosini baada ya michuano ya Afcon 2023 inayofikia tamati leo huko Ivory Coast
Wachezaji Stephane Aziz Ki na nahodha Bakari Mwamnyeto huenda wakarejea kikosini mkoani Mbeya leo
Mwamnyeto alipata majeraha wakati yuko kwenye majukumu ya Stars sasa amepona na amejumuishwa katika kikosi kilichosafiri Mbeya
Aziz Ki alichelewa kurudi kutokana na kuuguliwa na mzazi wake lakini nae yuko tayari na pengine leo atakuwa na dakika zake mkoani Mbeya
Beki Ibrahim Bacca yeye alirejea kikosini mchezo uliopita dhidi ya Mashujaa Fc wakati Dickson Job na Mudathir Yahya wao walirejea mapema
Job ameshiriki mechi zote tatu za ligi wakati Mudathir akishiri mechi mbili na kufunga katika kila mchezo
