Yanga kamili kuifuata Namungo Fc

Ijumaa March 08 majira ya saa 1 usiku, Yanga itakuwa Ruangwa, Lindi kunako uwanja wa Majaliwa kuikabili Namungo Fc katika mchezo wa ligi kuu ya NBC

Wananchi wanatarajiwa kuondoka Dar mapema kesho Alhamisi wakiwa na silaha zao zote tayari kuwania alama tatu katika mchezo huo

Vinara hao wa ligi wanakabiliwa na ratiba ya mechi mfululizo ambapo mkakati wa Kocha Miguel Gamondi ni kuona timu yake inavuna alama tatu kutoka katika kila mchezo

Baada ya mchezo dhidi ya Namungo Fc, Yanga itarejea Dar ambapo itacheza mechi tatu katika uwanja wa Azam Complex dhidi ya Ihefu Fc, Geita Gold na Azam Fc

Kama Yanga itavuna alama zote 12 ni wazi itajiweka katika nafasi nzuri zaidi kwenye mbio za ubingwa wa Ligi Kuu msimu huu