Karia akabidhiwa jezi ya Yanga

Rais wa Shirikisho la Mpira wa Miguu Tanzania (TFF) Wallace Karia na Makamu wa Rais wa Shirikisho hilo Athumani Nyamlani leo wamekabidhiwa jezi za Yanga kuelekea mchezo wa mkondo wa kwanza robo fainali ya ligi ya mabingwa dhidi ya Mamelodi Sundowns

Viongozi waandamizi wa TFF wakiongozwa na Rais Karia, wataushuhudia mchezo huo utakaopigwa uwanja wa Benjamin Mkapa March 30 wakiwa jukwaani sambamba na viongozi wa Yanga wakivalia uzi wa Yanga

Ni sehemu ya kuonyesha uzalendo na kuziunga mkono klabu za Yanga na Simba ambazo zitacheza mechi za robo fainali ligi ya mabingwa

Ni mara ya kwanza kwa Yanga na Simba zote kutinga robo fainali na kuifanya Tanzania kuwa nchi pekee iliyoingiza timu mbili katika robo fainali