Huko Afrika Kusini mchezo wa ligi ya mabingwa kati ya Yanga dhidi ya Mamelodi Sundowns unachukuliwa kimtizamo tofauti kabisa na jinsi ilivyo hapa nchini
Imekuwa bahati mbaya asilimia 90 za uchambuzi unaofanywa katika vyombo vya habari hapa nchini ni wa kuwakatisha tamaa mashabiki wa Yanga wakiaminishwa kuwa Mamelodi ni bora sana na kuwa Yanga haina uwezo wa kushinda dhidi yao
Imefika hatua 'inaboa' kusikiliza vipindi vya michezo kwani zaidi utasikia majina ya wachezaji wa Sundowns yakitajwa kipindi kizima kana kwamba Yanga haina wachezaji bora ambao wanastahili kufanyiwa uchambuzi
Uzuri mpira unachezwa hadharani na takwimu wakati mwingine zinaweza kuzungumza kwa uhalisia zaidi kuliko maoni binafsi
Wachambuzi wengi wanatoa maoni binafsi tu ambayo wakati mwingine sio uhalisia wa kile kinachotokea uwanjani ndani ya dakika 90
Ni tofauti na uchambuzi unaofanywa na media za Afrika Kusini wao wamejikita zaidi katika takwimu na kuzungumza mpira jambo linalowafanya waamini mchezo dhidi ya Yanga hautakuwa mwepesi
Ni wazi mechi itakuwa ngumu lakini sio sahihi kusema Yanga haina nafasi ya kushinda mchezo huo eti kwa kuwa inacheza dhidi ya timu yenye kikosi ghali zaidi
Mechi itakutanisha wachezaji 11 dhidi ya 11 na kila timu ina nafasi ya kucheza katika uwanja wake wa nyumbani
Yanga imejipanga na imedhamiria kushinda mchezo wa kwanza utakaopigwa dimba la Mkapa Jumamosi, INAWEZEKANA
Wale ambao hawakujifunza na kile walichofanya Yanga katika michuano ya kombe la Shirikisho msimu uliopita, basi wajiandae na aibu nyingine kubwa pale itakapotokea Yanga imetinga nusu fainali
