Peter Shalulile ndiye mshambuliaji hatari wa Mamelodi Sundowns akiwa amefunga mabao mawili katika hatua ya makundi ya ligi ya mabingwa msimu huu
Ni miongoni mwa wachezaji ambao Yanga lazima iwe na tahadhari nae katika mchezo wa robo fainali CAF CL utakaopigwa Jumamosi, March 30
Habari njema ni kuwa Yanga itaingia katika mchezo huo ikiwa nyota wake wote katika safu ya ulinzi akiwemo Ibrahim Hamad 'Bacca'
Kumekuwa na upotoshaji kwenye mitandao ya kijamii kuwa Bacca hatacheza mchezo huo kutokana na kadi mbili za njano alizoonyeshwa katika michezo dhidi ya Al Ahly na CR Belouizdad
Meneja wa Habari na Mawasiliano klabu ya Yanga Ali Kamwe amewahakikishia Wananchi kuwa Bacca atakuwepo
"Kwanza lazima ifahamike kanuni za michuano ya ligi ya mabingwa msimu huu ni tofauti na kanuni zilizotumika msimu uliopita"
"Bacca alipata kadi tatu za njano katika hatua za awali akakosa mchezo dhidi ya Medeama Fc. Baada ya mchezo huo akapata kadi mbili za njano katika michezo iliyofuata dhidi ya Ahly na Belouizdad"
"Hivyo atakuwa sehemu ya kikosi kitakachoikabili Mamelodi Sundowns, " alisema Kamwe
