Baada ya kuirejesha heshima ya Yanga katika michuano ya ligi ya mabingwa, Kocha Mkuu wa Yanga Miguel Gamondi amebaki na kazi moja tu, kutetea mataji ya ligi kuu na kombe la Shirikisho la CRDB
Kocha huyo raia wa Argentina amevuka malengo ya Yanga katika ligi ya mabingwa baada ya kuipeleka robo fainali na kushuhudia ikitolewa kwa 'figisu' dhidi ya Mamelodi Sundowns ambapo Afrika na dunia ilishuhudia mbeleko ya chuma ikitumika kuibeba Sundowns baada ya Yanga kunyimwa bao halali lililofungwa na Stephane Aziz Ki katika dakika ya 57
Wakati akitua Yanga, Gamondi alisaini mkataba wa mwaka mmoja uliokuwa na kipengele cha kuongeza mwaka wa pili mwishoni mwa msimu
Kwa kile ambacho ameifanyia Yanga mpaka sasa, bila shaka uongozi wa Yanga chini ya Rais Injinia Hersi Said utamuongeza mkataba
Jukumu lake ni kuhakikisha Yanga inatetea taji lake la ligi kuu na taji la FA ambayo Wananchi wanayashikilia kwa misimu miwili mfululizo
Kesho Yanga itashuka uwanja wa Jamhuri mkoani Dodoma kumenyana na Dodoma Jiji katika mchezo wa kuwania tiketi ya kutinga robo fainali kombe la FA
