Bado hesabu za ubingwa ziko salama

Baada ya suluhu ya bila kufungana dhidi ya JKT Tanzania leo, Yanga imeendelea kubaki kileleni mwa msimamo wa ligi ikifikisha alama 59

Ni alama tano mbele ya Azam Fc inayoshika nafasi ya pili huku Yanga wakiwa na mchezo mmoja wa kiporo

Bado hesabu za Wananchi katika mbio za ubingwa ziko salama kwani kuna mechi saba za kukamilisha malengo

Katika mechi saba zilizosalia, mechi tatu ni ugenini na mechi nne ni nyumbani

Kwa maana kuna mechi nne zitapigwa uwanja wa Azam Complex, dimba ambalo kila timu inaogopa kukutana na Wananchi

Ndani ya mechi saba zilizobaki, Yanga inahitaji alama 14 tu kujihakikishia ubingwa wa tatu mfululizo

Mchezo unaofuata utapigwa uwanja wa Azam Complex, siku ya Jumamosi dhidi ya Coastal Union