Leo Yanga itashuka uwanja wa Azam Complex kuikabili Coastal Union katika mchezo wa ligi kuu ya NBC
Yanga imethibitisha itaendelea kukosa huduma ya kiungo wake mshambuliaji Pacome Zouzoua ambaye amekuwa nje ya dimba kwa takribani wiki tano sasa akiwa ni majeruhi
Imeelezwa kuwa fundi huyo wa mpira raia wa Ivory Coast anakamilisha program maalum itakayoimarisha fitness yake kabla ya kuanza kuonekana tena uwanjani
Kocha Mkuu wa Yanga Miguel Gamondi hana haraka ya kumrejesha Pacome uwanjani akitaka nyota huyo apone sawasawa
Katika mahojiano yake kadhaa, Gamondi amesisitiza ni lazima alinde afya za wachezaji wake kwa kuhakikisha wanatumika wakiwa katika utimamu unaotakiwa
Aifanya hivyo kwa wachezaji kama Khalid Aucho, Yao Kouassi, Kennedy Musonda, Kibwana Shomari na hata Zawadi Mauya ambao iliwachukua wiki kadhaa kurejea dimbani licha ya kupona majeraha yao
