Mlinzi wa kushoto wa Yanga Joyce Lomalisa ni miongoni mwa wachezaji ambao mikataba yao inamalizika mwishoni mwa msimu
Bado uongozi wa Yanga haujafungua mazungumzo ya kuhuisha mkataba wake na haitakuwa ajabu, wanaweza kumruhusu aende kutafuta changamoto sehemu nyingine
Msimu wake wa pili na Yanga umeandamwa na changamoto za majeraha ya mara kwa mara na hivyo kumfanya akose mechi nyingi
Imekuwa nadra kwa Lomalisa kucheza angalau mechi tatu mfululizo. Mara ya mwisho alionekana katika mchezo wa ligi kuu dhidi ya Simba ambao alicheza kwa dakika 12 pekee
Ni majeraha hayo yaliyopelekea ufanisi wake msimu huu usionekane akitoa assist moja tu kwenye ligi
Yanga huenda ikalazimika kusajili beki mwingine wa kushoto huku wakimpa mkataba wa muda mrefu Nickson Kibabage ambaye mkataba wake wa mkopo unamalizika mwishoni mwa msimu
