Kamati ya Uendeshaji na Usimamizi wa Ligi ya Bodi ya Ligi kuu katika kikao chake cha April 30 imeitoza klabu ya Yanga faini ya Tsh Milioni 5 kwa kosa la kuingia uwanjani pasipo kupitia mlango rasmi katika mchezo wa ligi kuu dhidi ya Simba uliopigwa April 20, Yanga ikiibuka na ushindi wa mabao 2-1
Kulingana na taarifa ya Kamati, Yanga imepigwa faini hiyo kutokana na kujirudia kwa kosa hilo katika mechi dhidi ya Simba kwenye misimu minne iliyopita
Kuhusu kutotumia chumba cha kubadilishia nguo katika mchezo huo, Kamarti inasubiri taarifa ya daktari wa mchezo huo ambaye alichukua sampuli ya hewa kutoka vyumba vya kubadilishia nguo
Yanga ililazimika kutotumia vyumba hivyo baada ya kubaini uwepo wa harufu kali, malalamiko ambayo yalithibitishwa na wasimamizi wa mechi husika
