Kocha Mkuu wa Yanga Miguel Gamondi amesema anatambua mchezo wa nusu fainall kombe la Shirikisho la CRDB dhidi ya Ihefu Fc ambao utapigwa kesho Jumapili katika uwanja wa Sheikh Amri Abeid, Arusha utakuwa mgumu
Hata hivyo Gamondi amesema ana imani na ubora wa kikosi chake malengo ya yakiwa ni kushinda mchezo huo na kutinga fainali
Akizungumza katika Mkutano na Wanahabari mapema leo, Gamondi amesema wamepata muda mzuri wa kujiandaa na mchezo huo baada ya mechi ya mwisho ya ligi kuu dhidi ya Mtibwa Sugar iliyowahakikishia kutwaa ubingwa
"Tumekuwa na maandalizi mazuri kuelekea mchezo huu, tumepata muda mzuri wa maandalizi baada ya mechi yetu ya ligi dhidi ya Mtibwa Sugar"
"Mchezo wa kesho ni mchezo mkubwa na hautakuwa mchezo rahisi lakini sisi ni washindani na tutahakikisha tunapambana kupata ushindi na kwenda fainali"
"Tunaamini tuna kila sababu ya kuendelea kufanya vizuri msimu huu, tuna Wachezaji wanaopenda kutafuta magoli na kufunga ndio maana wachezaji wetu wapo kwenye orodha ya wafungaji bora kwenye kila mashindano," alisema Gamondi
Yanga ilitua Arusha jana na leo watapata muda wa kufanya mazoezi katika uwanja wa Sheikh Amri Abeid ambao mchezo huo utapigwa Jumapili, saa 9:30 Alasiri
