Historia nyingine inakwenda kuandikwa na Yanga pale Uwanja wa Benjamin Mkapa leo. Ubingwa wa 30 Ligi Kuu ya Tanzania inakwenda kukabidhiwa mikononi mwa Yanga
Ni katika tukio kubwa ambalo pasipo na shaka litafuatiliwa na Afrika nzima. Yanga imejipambanua kwa shamrashamra zake za kusherehekea ubingwa
Shughuli inaanza saa 5 asubuhi, mageti ya uwanja wa Benjamin Mkapa yatafunguliwa tayari kwa mashabiki kuingia uwanjani
Muda huo pia ile Chopa maalum ya mabingwa itakuwa angani ikipita maeneno mbalimbali ya jiji la Dar es salaam ikifanya parade
Burudani zipo za kutosha dimba la Mkapa, Harmonize, Mario na wasanii wengine wakubwa Tanzania watawapa burudani Wananchi
Majira ya saa 9 Alasiri Chopa iliyobeba ubingwa wa 30 wa Yanga itatua uwanja wa Mkapa na kukabidhi kombe hilo kwa ajili ya sherehe rasmi ambazo zitafanyika baada ya mchezo kati ya Yanga dhidi ya Tabora United utakaopigwa kuanzia saa 10 jioni
Kama bado hujakata tiketi, hakikisha unaitumia Buku yako mapema hii kwani hupaswi kukosa shamrashamra hizi za Jumamosi ya Mabingwa
