Ilikuwa misimu miwili ya kibabe kwa Stephane Aziz Ki ambaye msimu huu ameibuka kuwa mfungaji bora wa ligi kuu ya NBC baada ya kufunga mabao 21 huku akitoa assist nane
Takwimu zake zimemuweka katika nafasi nzuri ya kushinda tuzo ya mchezaji bora wa msimu (MVP) kama yale mambo ya 'kubalance' hayatafanyika. Tumeona kilichotokea kwenye tuzo ya mchezaji bora na kocha bora wa ligi kuu kwa mwezi May 2024!
Katika msimu wake wa kwanza na Yanga, Aziz Ki alifunga mabao 9 na kutoa pasi tatu za mabao na hivyo katika misimu yote miwili amefunga mabao 30 na kutoa assist 11 akihusika katika mabao 41 yaliyofungwa na Yanga
Katika misimu ya karibuni Fiston Mayele na Aziz Ki ndio wachezaji waliohusika katika mabao mengi zaidi yaliyofungwa na Yanga
Rais wa Yanga Injinia Hersi Said amewahakikishia Wanachama na Mashabiki wa Yanga kuwa wataendelea kumshuhudia Aziz Ki msimu ujao
Kinachosubiriwa ni taarifa za nyota huyo kusaini mkataba mpya kama ilivyo kwa wachezaji wengine waliomaliza mikataba
Meneja wa Habari na Mawasiliano klabu ya Yanga Ali Kamwe amesema wataanza kuachia taarifa za wachezaji wanaoondoka na wale walioongeza mikataba
