Yanga bado iko kwenye majadiliano na kiungo mshamuliaji Stephane Aziz Ki kwa ajili ya kumuongezea mkataba
Wananchi wana matumaini ya kushinda vita ya kumbakisha Aziz Ki kwa kuwa Mburkinabe huyo anafurahia maisha yake Jangwani. Mpaka mwishoni mwa wiki hii, hatma ya Aziz Ki itakuwa imefahamika
Baada ya Mamelodi Sundowns na Kaizer Chiefs sasa klabu ya Pyramids Fc nayo imengia vitani kumtaka Aziz Ki
Msimu uliopita Pyramids walifanikiwa kumsajili Fiston Mayele na inaonekana wamedhamiria pia kumng'oa Aziz Ki Jangwani
Hata hivyo haitakuwa mara ya kwanza kwa Pyramids Fc kujaribu kumsajili Aziz Ki. Wakati Aziz Ki anasajiliwa na Yanga misimu miwili iliyopita, Pyramids ni miongoni mwa timu zilizotuma ofa nono zaidi ya Yanga lakini Aziz akachagua kujiunga na Yanga baada ya ushawishi wa Rais Injinia Hersi Said
Injinia Hersi aliahidi kuwa uongozi wake utafanya kila linalowezekana kuhakikisha wachezaji wote muhimu akiwemo Aziz Ki wanabaki
Tayari Yanga imeshinda vita ya kumuongezea mkataba Kocha Miguel Gamondi ambaye jana aliwathibitishia Wananchi ameongeza mkataba wa mwaka mmoja
Gamondi ataendelea na benchi lake la ufundi ambalo msimu uliomalizika limeiwezesha Yanga kutetea ubingwa wa ligi kuu, kombe la FA na kucheza robo fainali ya ligi ya mabingwa
