Licha ya kukosa tuzo ya mchezaji bora wa mwaka wa Burkina Faso, kiungo mshambuliaji wa Yanga Stephane Aziz Ki aliingia katika tatu bora ya kinyan'ganyiro cha kuwania tuzo hiyo
Mchezaji wa timu ya Taifa ya Burkina Faso na klabu ya Bayer Levekusen ya Ujerumani, Edmond Tapsobna ndiye aliyeshinda tuzo hiyo mbele ya Aziz Ki na Issofou Dayo wa RS Berkane
Hafla ya tuzo hizo zinazofahamika kwa jina la GOLD Stallion, ilifanyika usiku wa kuamkia leo na hutolewa kila mwaka huko Burkina Faso
Wakati Aziz Ki akiibuka mfungaji bora wa Ligi Kuu ya NBC huku akiisaidia Yanga kutwaa mataji ya ligi kuu na FA, Tapsoba alibebwa na mafanikio ya Levekusen ambayo ilitwaa taji la ligi kuu ya Ujerumani pasipo kupoteza mchezo na pia wakishinda DFB Pokal huku wakicheza fainali ya ligi ya Europa
Aziz Ki ana nafasi kubwa ya kushinda tuzo ya mchezaji bora wa Ligi Kuu ya Tanzania Bara baada ya kuibuka mfungaji huku pia akitoa assist nane
