Mwamnyeto, Yanga bado hakijaeleweka

Klabu ya Yanga bado iko kwenye mazungumzo na nahodha wake Bakari Nondo Mwamnyeto ili kumuongeza mkataba

Mkataba wa Mwamnyeto umemalizika, mazungumzo yanaendelea ambapo taarifa kutoka ndani ya uongozi imethibitisha kuwa bado mwafaka haujafikiwa hasa upande wa maslahi

Mwamnyeto amekuwa sehemu ya kikosi cha Yanga kwa misimu minne akiwa nahodha wa mabingwa hao wa nchi

Dhamira ya Yanga ni kumbakisha Mwamnyeto ambaye pia ni beki tegemeo katika kikosi cha timu ya Taifa ya Tanzania 'Taifa Stars' licha ya kuwa tangu ujio wa Kocha Miguel Gamondi, amekuwa na wakati mgumu kujihakikishia nafasi katika kikosi cha kwanza

Dickson Job na Ibrahim Bacca ni chaguo la kwanza katika eneo la walinzi wa kati huku Mwamnyeto na Gift Fredy wakitumika kwa nyakati tofauti