Klabu ya Yanga inatarajiwa kutoa taarifa juu ya hatma ya mshambuliaji Joseph Guede ambaye mkataba wake umemalizika
Meneja wa Habari na Mawasiliano wa Yanga Ali Kamwe amethibitisha Guede alisaini mkataba wa miezi sita na sasa mkataba wake umemalizika
Siku chache zilizopita, zimeibuka tetesi kuwa Yanga inamuwania mshambuliaji wa Al Nasri ya Libya na timu ya Taifa ya Ghana Jonathan Sowah ambaye amewahi kuitumikia Medeama Fc iliyokuwa kundi moja na Yanga katika hatua ya makundi ya ligi ya mabingwa msimu uliopita
Sowah anatajwa kutua Yanga kuchukua nafasi ya Guede, Kamwe amesema hatma ya mshambuliaji huyo itafahamika Jumatatu
"Suala la Guede (Joseph) ni tofauti kidogo, yeye mkataba wake umemalizika kwani alisaini mkataba wa miezi wakati tulipomsajili Januari. Kumekuwa na majadiliano kuhusu kumuongeza mkataba hivyo taarifa yake na nyingine zote za usajili tutaanza kuzitoa siku ya Jumatatu," alisema Kamwe
Kumekuwa na taarifa kuwa mchakato wa kumuongeza Guede mkataba ulikwama baada ya kutofikiwa makubaliano ya pande mbili
Inaelezwa Guede amepata ofa nono zaidi na huenda akaelekea Arabuni
