Safari Champions mikononi mwa Yanga

Vijana wa Safari Champions kesho watatimiza ndoto kwa kucheza mechi dhidi ya mabingwa wa soka Tanzania Bara, Yanga

Safari Champions ni kikosi kilichoundwa na Safari Lager baada ya mashindano ya vijana yaliyofanyika nchi nzima

Mechi itakayopigwa saa 1 usiku itahitimisha siku ya Tamasha la burudani lililoandaliwa na safari Lager kwa kushirikiana na Yanga

Mwanamuziki mashuhuri kutoka DR Congo Koffi Olomide atatumbuiza huku Harmonize akitarajiwa kuwa miongoni mwa watumbuizaji katika Tamasha hilo

Wakati huu ambao ligi zimesimama, burudani ya soka imekuwa adimu, hii ni nafasi kwa wapenda burudani kujisogeza dimba la Mkapa kupata kile walichokosa kwa wiki kadhaa tangu ligi iliposimama