Waziri Mkuu wa Jamhuri ya Muungano wa Tanzania, Mhe. Kassim Majaliwa leo amezindua Teknolojia ya Usaidizi wa Mwamuzi kupitia Video (VAR) kwenye uwanja wa Benjamin Mkapa, Dar es Salaam
Vifaa hivyo ni vilivyotolewa na Shirikisho la soka barani Afrika (CAF) pamoja na Azam Media Limited
Teknlojia ya VAR inategemea kutumika kuanzia msimu huu wa ligi kuu Tanzania bara 2024/25
Akizungumza katika hafla hiyo, Rais wa Shirikisho la Mpira wa Miguu Tanzania (TFF) Wallace Karia amesema teknolojia hiyo itasaidia kupunguza malalamiko yatokanayo na makosa ya waamuzi
"VAR itapunguza Manunguniko na makosa ya kibinadamu, sisi kama TFF tumeandika barua kuomba kibali cha kutumia VAR kwenye ligi yetu, " alisema Karia
Katika hatua nyingine, Karia amesema licha ya maoni ya wadau kuhusu kupunguza idadi ya wachezaji wa 12 wa kigeni, idadi hiyo itaendelea kutokana na faida ambazo ligi na klabu zinapata sababu ya ujio wa wachezaji hao
"Tumeamua kusisitiza kubaki na wachezaji wengi wakigeni licha ya watu wengi kutaka wachezaji wakigeni wapunguzwe"
"Mafanikio ambayo tumeyapata ni kwasababu ya uwepo wa wachezaji wakigeni ambao kabla ya wao kuja timu zetu zilikuwa hazifanyi vyema katika michuano ya kimataifa"
"Kwa takwimu tulizonazo wachezaji wakigeni hawajafika 70 kati ya wachezaji 600 ambao huwa wanashiriki katika ligi kuu,hivyo wachezaji wetu wanatakiwa na wao watoke nje ili wakapate changamoto na sio sisi kupunguza idadi ya wachezaji wakigeni,"alisema
