Mshambuliaji wa Kaizer Chiefs Ranga Chivaviro amekiri kuwa ubora wa Yanga ikiwa haina mpira ndio silaha iliyowapa ushindi wa mabao 4-0 katika mchezo wa Toyota Cup uliopigwa Afrika Kusini Jumapili iliyopita
Katika mchezo huo Prince Dube, Aziz Ki na Clement Mzize walifunga mabao ya Yanga huku mabao mawili yakifungwa Aziz Ki
Ki alifunga mabao hayo yakiwa ni matokeo ya 'pressing' iliyofanywa na wachezaji wa Yanga na kupelekea walinzi wa Chiefs kufanya makosa
Chivaviro alianza katika mchezo huo akiongoza safu ya ushambuliaji ya Chiefs lakini mpaka Kocha Nasreddine Nabi anamtoa, hakuwa amepiga shuti lolote langoni kwa Yanga
"Ilikuwa ngumu kwetu, ni kama hawakutupa nafasi ya kujipanga wakati tukiwa tuna mpira, walikuwa wanalazimisha haraka tuupoteze uwe chini yao nadhani ndio silaha waliyoitumia kutengeneza ushindi wao"
"Unajua huu ulikuwa mchezo wetu wa kwanza wa kirafiki wenzetu walionekana kuwa wepesi kuliko sisi ilitufanya kuonekana hatukuwa tayari kukutana nao, nadhani tutabadilika kwa kuwa tupo chini ya makocha wapya ambao wanaaanza kutupa falsafa mpya," alisema Chivaviro
Yanga ilibeba taji la Toyota baada ya ushindi huo huku Wananchi pia wakikomba zaidi ya Milioni 260
