Baada ya kukosa ushindi katika mchezo wa kwanza kuwania tiketi ya kufuzu Afcon 2025, timu ya taifa ya Tanzania 'Taifa Stars' leo iko ugenini kumenyana na Guinea katika mechi nyingine muhimu kundi H
Mchezo huo utapigwa Ivory Coast, wenyeji Guinea wakipeleka mechi hiyo nchini humo baada ya kukosa uwanja wenye sifa nchini kwao
Tanzania inahitaji kushinda mchezo huo ili kufufua matumaini ya kufuzu Afcon 2025 ingawa hata matokeo ya sare ugenini yatawapandisha nafasi ya pili
DR Congo ndio vinara wa kundi H wakikusanya alama sita baada ya ushindi wao wa pili dhidi ya Ethiopia jana
Stars ililazimishwa suluhu ya bila kufungana dhidi ya Ethiopia wakati Guinea walichapwa bao 1-0 na DR Congo katika mchezo wa kwanza
Kaimu Kocha Mkuu wa Stars Hemedi Morocco amesema kikosi chake kiko tayari na leo wamepania kushinda mechi hiyo ya ugenini itakayopigwa saa 1 usiku
