Droo ya hatua ya makundi ya michuano ya ligi ya mabingwa barani Afrika ilifanyika Misri juzi Yanga ikipangwa kundi A pamoja na timu za TP Mazembe, Al Hilal na MC Alger
Mechi ya kwanza ya makundi itapigwa Novemba 26/27 Yanga ikianzia nyumbani dhidi ya Al Hilal
Hii itakuwa mechi ya kisasi kwa Yanga kwani Wananchi wanakumbuka kilichotokea misimu miwili iliyopita katika hatua ya awali pale palipokutana na Al Hilal katika ligi ya mabingwa
Mchezo wa kwanza uliopigwa uwanja wa Benjamin Mkapa ulimalizika kwa matokeo ya sare ya bao 1-1 na mechi ya marudiano iliyopigwa Sudan wiki moja baadae, Al Hilal wakapata ushindi wa bao 1-0 na hivyo kutinga hatua ya makundi huku Yanga ikidondokea katika kombe la Shirikisho ambako walifanikiwa kuwaondoa Club Africain na moja kwa moja kucheza makundi katika msimu ambao Yanga ilicheza fainali CAF CC
Ni kumbukumbu hii ambayo inapelekea mechi mbili dhidi ya Al Hilal katika makundi kuwa umuhimu wa kipekee kwa Yanga
Yanga inazihitaji alama zote sita dhidi ya Al Hilal ambao mechi zao za nyumbani watachezea Libya
Wananchi wanasema Al Hilal wameingia kwenye mfumo, ni wakati wa kupipa kisasi..!
