Timu ya vijana ya Yanga U17 leo imeichapa Simba U17 mabao 2-0 katika mchezo wa ligi ya vijana uliopigwa uwanja wa TFF, Kigamboni
Ushindi huo ni mwendelezo wa Yanga kupeleka vilio Msimbazi ikiwa ni taribani wiki moja imepita tangu Yanga Princess ilipoichapa Simba Queens katika nusu fainali ya Ngao ya Jamii
Meneja wa Habari na Mawasiliano wa Yanga Ali Kamwe ametamba kuwa wanakwenda kuongeza maumivu Oktoba 19
"Dhamira kubwa Ya viongozi wetu ni kumaliza kabisa 'vimdomo mdomo' linapokuja suala la football hapa Tanzania'
'Tulianza kuwashona Dada zao na vijana wetu wa U 17 wamewapeleka moto sana. Bado wakubwa sasa kuingia na wao kwenye chumba cha daktari"
"In Shaa Allah Football ya Kweli haitaki ujanja janjaa.. Wapige mdomo tukikutana kazi yetu ni kuwashona tu," alitamba Kamwe
