Kikosi cha Yanga tayari kiko mkoani Arusha kuelekea mchezo wa ligi kuu dhidi ya Coastal Union utakaopigwa kesho Jumamosi, Oktoba 26 katika uwanja wa Sheikh Amri Abeid
Msafara wa Yanga ulitua Arusha jana usiku ambapo vijana wa Kocha Miguel Gamondi leo watakamilisha maandalizi yao ya mwisho katika uwanja wa Sheikh Amri Abeid
Akizungumza kuelekea mchezo huo, Meneja wa Habari na Mawasiliano wa Yanga Ali Kamwe amewataka mashabiki na wanachama wa Yanga kujitokeza kwa wingi dimba la Shekh Amri Abeid kuishangilia timu yao hapo kesho
Licha ya ugumu wa ratiba ambapo Yanga inashuka dimbani kwa wastani wa kila baada ya siku tatu, Kamwe amesema kocha Gamondi ataendelea na utaratibu wa kufanya 'rotation' ili kulinda afya za wachezaji
Nae beki Ibrahim Bacca amesema mara nyingi mechi zinazopigwa mikoani zinakuwa ngumu lakini wachezaji wamejipanga ili kuhakikisha wanawapa furaha mashabiki wao kwa kushinda mchezo huo
