Juzi baada ya Yanga kupoteza mchezo dhidi ya Azam Fc kwa kufungwa bao 1-0 katika mchezo wa ligi kuu uliopigwa uwanja wa Azam Complex, ushindi huo ulisherehekewa zaidi mitaa ya Msimbazi kuliko hata Chamazi kwa wauza ice cream hao
Nje ya utani wa jadi ambao umedumu kwa zaidi ya miaka 80, lakini kile kilichofanywa na mashabiki wa Simba kusherehekea ushindi wa Azam Fc kupita kiasi, imeonyesha ni kwa kias gani 'wamemiss' kushangilia ushindi wa timu yao dhidi ya Yanga
Tatizo lilianza siku kama ya leo Novemba 05 2023 pale uwanja wa Benjamin Mkapa, mabao mawili ya Maxi Nzengeli, Keneddy Musonda, Aziz Ki na Pacome Zouzoua waliandika historia ya ushindi wa mabao 5-1 dhidi ya Simba katika mchezo wa ligi kuu
Leo umetimia mwaka mmoja kamili tangu kipigo hicho ambacho kimepelekea unyonge wa kudumu kwa watani zao mpaka kufikia hatua ya kushangilia ushindi wa timu hyingine
Baada ya kipigo cha mabao 5-1, Yanga iliendeleza ubabe dhidi ya Simba ikishinda mechi nyingine tatu zilizofuata
Ushindi wa mabao 2-1 katika mechi ya duru ya pili ligi kuu msimu uliopita, ushindi wa bao 1-0 katika Ngao ya Jamii na ushindi mwingine wa bao 1-0 mwezi uliopita katika ligi kuu ya NBC msimu huu
Kwa dakika 360 Simba imeshindwa kufurukuta mbele ya Yanga ikifanikiwa kufunga mabao mawili tu huku Wananchi wakipachika mabao 9
Lakini tatizo lilianza Novemba 05....!
