Yanga imeshindwa kutamba uwanja wa Benjamin Mkapa ikikubali kipigo cha mabao 2-0 dhidi ya Al Hilal katika mchezo wa kwanza wa hatua ya makundi ligi ya mabingwa barani Afrika
Bado makosa katika safu ya ulinzi yameendelea kuigharimu Yanga ikiruhusu mabao kupitia mashambulizi ya kushitukiza
Yanga ilianza mchezo huo taratibu na kuongeza kasi kipindi cha pili lakini Florent Ibenge alitumia vyema silaha ya mashambulizi ya kushitukiza akitumia mawinga wake wenye kasi
Kocha Saed Ramovic ana kazi ya kuboresha eneo la umaliziaji kwani bado inakuwa ngumu kufunga dhidi ya timu zinazopaki basi
Yanga inahitaji kushinda angalau mechi inayofuata ili kurudisha ari ya ushindi katika timu
Ni nyakati ambazo kila timu bora hupita, muhimu ni kwa kiasi gani benchi la ufundi na wachezaji wenyewe watapambana katika uwanja wa mazoezi ili kurejea kwenye ubora
