Kikosi cha Yanga jioni ya leo Ijumaa Novemba 29 kimekamilisha maandalizi kuelekea mchezo wa ligi kuu dhidi ya Namungo Fc ambao utapigwa kesho Jumamosi katika uwanja wa Majaliwa
Ari na morali ya wachezaji wa Yanga inaonekana kuwa juu, ni wazi dhamira yao ni kuona kesho wanamaliza wimbi la kupoteza mechi mfululizo
Mazoezi ya mwisho yamefanyika katika uwanja wa Majaliwa ambao mchezo huo utapigwa saa 12:30 jioni
Itakuwa mechi ngumu lakini hakuna namna, ni mechi ambayo Yanga haihitaji matokeo mengine zaidi ya ushindi
Yanga inatarajiwa kupata sapoti kubwa ya mashabiki wake kutoka maeneo mbalimbali ambao wamesafiri kwenda Ruangwa
Takribani mabasi 10 yameondoka jijini Dar es salaam kuelekea Ruangwa, Lindi yakibeba Wanachama kutoka matawi mbalimbali
Katika kuonyesha kuiunga mkono timu yao katika hali zote, Wananchi wataujaza uwanja wa Majaliwa ili kuwaongezea hamasa wachezaji wao
