Baada ya kukosekana kiungo Khalid Aucho kutokana na majeraha, Kocha Mkuu wa Yanga Sead Ramovic amemtumia kiungo kiraka Duke Abuya katika majukumu yake
Ramovic alianza kumtumia Abuya katika eneo la kiungo cha ulinzi katika mchezo wa ligi ya mabingwa dhidi ya Al Hilal na jana akamtumia katika mchezo wa ligi kuu dhidi ya Namungo Fc
Kiwango bora alichoonyesha Abuya katika mchezo huo, kilimfanya aondoke na tuzo ya nyota wa mchezo
Ni Abuya aliyeanzisha shambulizi lililozaa bao la pili baada ya pasi yake 'rula' kwa Clatous Chama, aliyemtengeneza Pacome kufunga bao hilo
Abuya amedhihirisha yuko tayari kwa majukumu yoyote ndani ya Yanga kwani hata Dickson Job alipoumia, alirudi nyuma kucheza eneo la beki wa kati
Ushindi wa mabao 2-0 dhidi ya Namaungo Fc jana umeihakikishia Yanga kusogeza nafasi ya pili ikiwa na alama 27 sawa na Azam Fc timu hizo zikiwa na takwimu sawa ya mabao ya kufunga(16) na kufungwa (4)
Yanga iko nyuma ya Simba kwa tofauti ya alama 1 tu, Wananchi wamerejea rasmi katika kampeni ya kutetea ubingwa wao
