Yanga tayari kuifuata MC Alger

Kikosi cha Yanga kinaelekea Algeria kuwakabili MC Alger katika mchezo wa raundi ya pili ya hatua ya makundi ligi ya mabingwa barani Afrika (CAF CL)

Mchezo huo utapigwa Jumamosi, Disemba 07 katika uwanja wa Julai 05, saa 1 usiku

Ni palepale katika dimba ambalo misimu miwili nyuma Yanga ilicheza fainali ya kombe la Shirikisho (CAF CC) na kupata ushindi wa bao 1-0 dhidi ya USM Alger

Yanga inatarajiwa kuondoka jijini Dar es salaam baadae leo tayari kwa mchezo huo muhimu

Yanga inahitaji kushinda au hata sare ugenini ili kuweka hai malengo ya kufuzu robo fainali

Kikosi cha kocha Sead Ramovic hakipaswi kupoteza mchezo huo hasa baada ya kupoteza mchezo wa kwanza dhidi ya Al Hilal